之前係學校博覽會被同學問咗一個有趣嘅問題：嚟自新竹嘅頂大中文系大一同學，走嚟問我點文科同學難搵工嘅問題。
其實呢條問題係得意，因為我係認為係50/50。
先講認同嘅地方：
我自己就係讀社會科學出身，唔理係大學定碩士，超紮實咁學咗好多同而家份工無任何關係嘅嘢。
你問我會唔會後悔？ 到而今都係未，因為我係轉學考同大學個陣都係讀緊自己鍾意嘅嘢，呢樣比其他嘢重要！！！
當然，出嚟搵工嗰陣，遇到唔少問題，好難搵啱自己嘅工（用咗半年搵工，自封為半個搵工專家） 踏出搵工嘅第一步，因為我有嘅skill 同knowhow唔一定係職場上有用。係呢個社會，永遠都是人比人、激死人。你可能讀英文，覺得自己英文好，但只要讀其他科嘅人英文都唔差，你好似無咩優勢。而家仲要有埋AI嘅出現，你就算讀翻譯，可能都好容易被取代。乍看之下，文科人選擇好似唔多。
唔認同嘅地方：
同學成日被一個問題困擾住，我讀咩就做咩？ 現實可能唔係咁～
我畢業之前，好好彩做過一份HR實習（呢個都係我鼓勵仲未畢業嘅大家搵實習：(舊文分享) 職場觀察 – 新鮮人先有正職還是實習經驗？）。因為呢份實習，我係搵工個陣可能比別人多咗少少優勢（主管覺得可以降低教育成本，可能？）最後，我成功行上HR嘅路。
但講真，條路係唔輕鬆，因為需要不斷學習。我做過不少industry，包括Retail、Engineering、IT等，曾經轉行做IT 產品經理，少啲 industry knowhow係避唔到candidate 或者client嘅法眼。當對方覺得你唔識嘅時候，就已經慢慢關咗溝通嘅大門。你可能會問我：你做了咩嘢去解決呢個問題？
我上咗好多course：
- 返學校上一年嘅 IT foundation program （每週一夜晚上三粒鐘嘅course）
- online學習Data Analytics同CRM嘅知識
- 考試拎國際認可嘅ESG證照
- 整網站 – 自己返工個陣自學再應用係公司嘅子公司度，都算係公司貼錢比我學嘢 （前提我老細buy 呢個idea+ 有成績比佢睇）
上面嘅學習令我同candidate溝通個陣更容易，同取得信任。不過一路洗咗唔少錢同時間上堂，所以點都要拎返幾張cert/ 知識先對自己有交代！No pay no gain.
最後，同大家分享一下這篇文章，來自104：文科生，別被1,408元打敗| 104玩數據
當然，有人會話呢個係屬於倖存者偏差，但每個人都有機會成為別人口中嘅倖存者，前提係你用啱方法，做啱嘅嘢。
最後同大家分享兩個朋友嘅故仔，希望可以激勵大家～
- 讀社科出身的朋友 （台灣人）
呢位朋友係我大一就識到而家，佢犀利嘅地方有好多，佢career係咁行：
碩士輟學，實習轉正做行銷 -》 產品經理 -》 跑去學寫iOS -》做了一年iOS工程師 -》返去做產品經理 - 大學讀外文和碩士讀翻譯出身嘅朋友 （香港人在台灣讀大學，碩士係香港讀）
第一份工因為個客嘅關係，做咗三個月成條team dismiss -》自己係linkedin 瘋狂搵工5個月，最後收到新加坡offer（非技techinical role） -》係新加坡工作2年後，申請過兩次PR （第一次失敗，隔年申請成功）
發佈留言