之前我係fb有個page叫香港僑生回港搵工 主要係嗰度同大家分享之前嘅搵工心得，因為太忙，成日都唔記得update。最近因為有人係嗰度問問題，先記得自己仲有呢個page，所以決定搬埋過嚟，大家搵資料容易啲。
之前開page原因：
決定返香港搵工，對於香港嘅同學都係唔容易的決定，因為你已經離開咗四年。我自己係當年都遇到同樣的困難。用咗好多嘅時間同等待先搵到理想嘅工作， 甚至係搵工嘅過程中，我都會不斷質疑自己嘅能力，成日會問自己真係咁差咩？
希望係此專頁，可以同大家分享一啲搵工同寫cv要留意嘅地方，幫到每位準畢業生。