如何度過待業期？
今日想同大家分享下待業/失業li個主題。我自己都有好深嘅體會！
簡單交代一下我背景，當年我係台灣讀完大學後，返香港讀咗個master，跟住全職搵工搵咗超過半年，直到畢業個年嘅12月先有人生第一份工作。我估我申請過嘅工作同interview，無100份都有70份，大小公司都申請過唉，應該算係半個搵工專家。
記得照早起身開電腦，之後係唔同搵工網站流連，改下cv，報下唔同工作，check下email，睇下有無interview invitation 或者準備下d interview，跟住夜晚幫手買餸/煮飯/洗碗，仲要日日屋企人返到黎會問今日有無interview，搵工搵成點？
日日比人咁問，唔好話煩唔煩，自信心都無埋。覺得自己都碩士畢業，係香港好似咩工都搵唔到，仲要唔知幾時有工開。仲要試過見marketing/MT工，見見下先知其實係保險工，真係唔該曬 唉
好彩自己都係堅持搵返自己有興趣嘅工作，係最尾有搵到份自己鍾意嘅工作。同埋都多謝屋企人支持，雖然每日比人咁問，都好痛苦，但係都比時間我搵工。
我唔會話搵工容易，但係如果你而家待業或者積極搵緊工，希望大家唔好對自己失去信心，尤其係疫情期間，搵工都真係唔容易。有時只係需要一個時間同契機，係個契機到之前，大家要好好裝備自己，無論係cv/行業知識/英文等等，當你將所有嘢準備好，你嘅準備仲會有一日會幫到你。
The best preparation for tomorrow is doing your best today~
發佈留言